Дэкрэт Канферэнцыі Каталіцкіх Біскупаў у Беларусі
аб зацвярджэнні новых заклікаў у Літанію да Найсвяцейшай Панны Марыі
Ва ўспамін Беззаганнага Сэрца Найсвяцейшай Панны Марыі, 20 чэрвеня, Папа Францішак дадаў у тэкст Літаніі да Найсвяцейшай Панны Марыі (Ларэтанскай) тры новыя заклікі: Mater misericordiae, Mater spei і Solacium migrantium.
Гэтым дэкрэтам Канферэнцыя Біскупаў зацвярджае пераклад на беларускую мову новых заклікаў з мэтаю іх літургічнага ўжытку, здзейснены Секцыяй па перакладзе літургічных тэкстаў і афіцыйных дакументаў Касцёла пры ККББ.
Першы заклік «Маці міласэрнасці» (Мater misericordiae) дададзены ў літаніі пасля закліку «Маці Касцёла», другі — «Маці надзеі» (Mater spei) — пасля закліку «Маці ласкі Божай» і трэці — «Палёгка мігрантаў» (Solacium migrantium) — пасля закліку «Прытулак грэшных».
Мінск, 6 жніўня 2020 г.
Свята Перамянення Пана
Арцыбіскуп Тадэвуш Кандрусевіч
Мітрапаліт Мінска-Магілёўскі
Старшыня Канферэнцыі
Каталіцкіх Біскупаў у Беларусі
Біскуп Юзаф Станеўскі
Генеральны сакратар ККББ
