Курыя Гродзенскай дыяцэзіі са смуткам паведамляе, што 26 чэрвеня на 95-м годзе жыцця адышоў у вечнасць ксёндз прэлат Юзаф Трубовіч, які быў найстарэйшым каталіцкім святаром у Беларусі.
Праграма пахавальных абрадаў:
29 чэрвеня, панядзелак
- 18.00 — унясенне цела ў касцёл Беззаганнага Зачацця Найсвяцейшай Панны Марыі ў Гродне (вул. Цэнтральная, 26)
- 19.00 — св. Імша (пасля Імшы — магчымасць індывідуальнай малітвы да 22.00)
30 чэрвеня, аўторак
- 11.00 — пахавальная св. Імша ў касцёле Беззаганнага Зачацця Найсвяцейшай Панны Марыі ў Гродне (вул. Цэнтральная, 26)
Пасля св. Імшы адбудзецца абрад апошняга развітання і пахаванне спачылага на прыкасцёльных могілках.
Юзаф Трубовіч нарадзіўся на Віцебшчыне ў вёсцы Невярышкі 6 студзеня 1926 г.
Скончыў Вышэйшую духоўную семінарыю ў Рызе (Латвія), там жа атрымаў прэзбітэрскае пасвячэнне з рук біскупа Казіміра Дульбінскага 30 верасня 1956 г. Пасля пасвячэння 20 гадоў нёс служэнне ў Латвіі, а потым прыехаў у Гродна і на працягу 12 гадоў працаваў у францішканскім касцёле.
У 1988–1992 гг. быў прэфектам Вышэйшай духоўнай семінарыі ў Рызе, а ў наступныя сем гадоў — пробашчам катэдральнай парафіі святога Францішка Ксавэрыя ў Гродне.
З 1999 г. з’яўляўся рэзідэнтам у парафіі Беззаганнага Зачацця Найсвяцейшай Панны Марыі ў Гродне.
Вечны адпачынак дай яму, Пане…
