![](/3/images/news/2020/04/2020-04-03-alegdul.jpg)
Курыя Гродзенскай дыяцэзіі са смуткам паведамляе, што 3 красавіка на 47-м годзе жыцця раптоўна адышоў у вечнасць ксёндз канонік Алег Дуль, пробашч парафіі святога Станіслава Косткі ў Ваўкавыску і дэкан Ваўкавыскага дэканату.
Днём раней, 2 красавіка, памёр бацька святара Станіслаў Дуль.
Праграма жалобных цэлебрацый
Нядзеля, 5 красавіка
- 17.00 — цела спачылага святара будзе ўнесена ў парафіяльны касцёл святога Станіслава Косткі ў Ваўкавыску. Святой памяці ксёндз канонік Алег Дуль прысвяціў сваё жыццё будаўніцтву гэтай прыгожай святыні і стварэнню парафіяльнай супольнасці, вернікі якой у гэтыя дні адчуваюць сябе асірацелымі.
- 18.00 — святая Імша з нешпарамі за супакой душы памерлага. На цэлебрацыю запрашаюцца святары дэканату і ўсе, хто жадае і мае магчымасць далучыцца.
Панядзелак, 6 красавіка
- 12.00 — распачнецца пахавальная святая Імша, пасля якой адбудуцца абрады апошняга развітання і пахаванне спачылага пробашча на прыкасцёльным цвінтары.
Вечны адпачынак дай яму, Пане…