Пошук


15.01.2020 13:30   Паводле: sdb.by
Фота: sdb.by

12 студзеня ў мінскім араторыі імя святога Яна Боско пры парафіі святога Яна Хрысціцеля ў дзявяты раз адбыўся штогадовы турнір па мікра-футболе «Кубак Дона Боско».

Як паведамляе sdb.by, спаборніцтвы сабралі ў араторыі шэсць каманд: «Салезіяне», «Савіо», «Ветэраны Марока», «Мірыэль», «Землякі» і «Брыгада». У гэтым годзе фармат турніру быў зменены: раней ён доўжыўся некалькі тыдняў, сёлета — адзін дзень.

Напачатку ўдзельнікаў і заўзятараў прывітаў адказны за мінскі араторый ксёндз Алег Каралёў SDB. Святар распавёў, што для ксяндза Боско араторый з’яўляўся домам, храмам і месцам для гульні. Ксёндз Алег адзначыў, што падчас турніру на першы план выйшла гульня, але не варта забываць, што ў араторый можна прыходзіць і па-за турнірам, каб добра правесці час, у тым ліку пагуляць у футбол.

Фота: sdb.by

У турнірнай сетцы каманды былі падзелены на дзве групы. Пасля групавога этапу іх чакалі чвэрцьфіналы, паўфіналы і фінал. Па выніках групавых баталій адразу ў паўфіналы трапілі ФК «Савіо» і «Брыгада». Далей між сабой гулялі «Салезіяне» з «Землякамі» і «Мірыэль» з «Ветэранамі Марока». Па выніках гэтых гульняў склаліся наступныя пары паўфіналістаў: «Савіо» — «Землякі», дзе мацней аказаўся ФК «Савіо», і «Брыгада» — «Мірыэль», дзе пераможцам стала «Брыгада».

У гульні за бронзу перамогу атрымалі «Землякі», а ў фінале з лікам 4-1 «Савіо» саступіў «Брыгадзе».

У наступным годзе адбудзецца дзясяты «Кубак Дона Боско», і ўсіх жадаючых ужо зараз заклікаюць рыхтавацца да яго.

Абноўлена 15.01.2020 17:30
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Дух хоча жыць у нас –
мы пакліканы да вечнага жыцця