21 снежня, у Чацвёртую нядзелю Адвэнту, адбылася першая пасля доўгага перапынку святая Імша ў парафіі святога Юзафа ў Круглым, што на Магілёўшчыне.
Да гэтай пары душпастырскую апеку ў парафіі ажыццяўлялі святары з Талачына ў Віцебскай дыяцэзіі, а яшчэ раней душпастыры іншых парафій Мінска-Магілёўскай архідыяцэзіі. Між іншым вельмі працяглы час служыў жыхарам Круглага ксёндз Аляксандр Багдановіч.
Парафія святога Юзафа ў Круглым вельмі маладая. Яе стварэнне прыпадае на 1994 год, да чаго прычыніўся святой памяці кардынал Казімір Свёнтэк.
Перад гэтым тэрыторыя сённяшняй парафіі св. Юзафа належала ў розныя часы гісторыі нашай Бацькаўшчыны да іншых парафій. Такім чынам, яна ўваходзіла ў склад парафіі Унебаўзяцця Найсвяцейшай Панны Марыі ў Бялынічах (XVII–XIX стст.), а таксама парафіі святога Антонія Падуанскага ў Талачыне.
Хоць і малымі крокамі, аднак парафія развіваецца, людзі маюць жаданне маліцца разам. Усіхе жыхароў Круглага і ваколіц, хто жадаў бы далучыцца, запрашаюць да супольнай малітвы.
Святая Імша праводзіцца з добразычлівасці і гасціннасці паасобных парафіянаў у іх дамах.
Падрабязная інфармацыя ў кс. Юзафа Сярпейкі, пробашча з Бялынічаў, які ўдзяляе сакрамэнты вернікам парафіі ў Круглым.
Тэлефон:
+375 29 570 85 87
