26 жніўня ў Нацыянальным санктуарыі Маці Божай у Будславе развітаюцца са шматгадовым кусташам а. Віктарам Бурлакам OFM і прывітаюць новапрызначанага пробашча парафіі кс. Дзмітрыя Дубовіка.
З гэтай нагоды цэлебрацыю св. Імшы перад цудатворным абразом Багародзіцы ў будслаўскай базыліцы а 12-й гадзіне ўзначаліць Генеральны вікарый Мінска-Магілёўскай архідыяцэзіі біскуп Юрый Касабуцкі.
Дэкан Мядзельскі кс. канонік Багуслаў Маджэеўскі запрашае ўсіх жадаючых узяць удзел у гэтай падзеі, якая распачынае новы этап гісторыі будслаўскага санктуарыя.
