З 26 ліпеня па 7 жніўня салезіяне ксяндза Боско запрашаюць хлопцаў ва ўзросце ад 14 гадоў прыняць удзел у летніку, прысвечаным разважанню над пакліканнем.
Падчас летніку юнакі змогуць пазнаёміцца з братэрскай атмасферай жыцця ў супольнасці; паслухаць канферэнцыі на тэму распазнання паклікання і жыцця ім; прыняць удзел у сумеснай малітве і духоўных практыкаваннях, гульнях і цікавых сустрэчах.
Летнік пройдзе на тэму «Леў і Баранак». Гэтыя дзве жывёлы — два найбольш яскравыя сімвалы Хрыста ў Бібліі.
Езус — Леў: Кароль і Валадар, адважны і незалежны, мужны абаронца слабых, адказны за сваё слова, ваяр Божай волі, поўны спакою і ўнутранай раўнавагі, справядлівы суддзя, пераможца.
Езус — Баранак: малады і нявінны, чысты целам і думкамі, лагодны і поўны любові, пакорны і цярплівы, ахвяра за ўсіх нас.
Мець у сэрцы «льва» і «баранка» — гэта гармонія Божага мужчыны, пакліканага Богам для выканання асаблівай місіі.
На аснове гэтых сімвалаў хлопцам будзе прапанавана разважанне над сваім жыццём і пакліканнем.
Месца правядзення летніку: аграсядзіба «Мажэйкі» Пастаўскага р-на.
Кантактны нумар: +375 (29) 761 70 17 (дк. Артур Ляшнеўскі SDB)
