30 чэрвеня і 1 ліпеня ў Нацыянальным санктуарыі Маці Божай Будслаўскай праходзяць урачыстасці, якія сёлета адбываюцца ў год юбілею 25-годдзя з часу каранацыі цудадзейнага абраза.
Па рашэнні беларускага каталіцкага епіскапату, сёлетні Будслаўскі фэст праходзіць пад дэвізам «Марыя — Каралева Беларусі». У юбілейных урачыстасцях у якасці Спецыяльнага пасланніка (Легата) Папы Францішка бярэ ўдзел Прэфект Дыкастэрыі па справах Усходніх Касцёлаў арцыбіскуп Клаўдыё Гуджэроцці.
На партале Catholic.by вядзецца прамая трансляцыя з урачыстасцяў у Нацыянальным санктуарыі ў Будславе.
Праграма фэсту
- 30 чэрвеня, пятніца
- 14.00 – 17.00 — сустрэча і прывітанне пілігрымаў
- 18.00 — святая Імша (цэлебруе Старшыня Канферэнцыі Каталіцкіх Біскупаў у Беларусі, біскуп Віцебскі Алег Буткевіч)
- 20.00 — Акафіст у выкананні хору Грэка-Каталіцкай Царквы
- 20.30 — Марыйныя нешпары
- 21.00 — Крыжовы шлях
- 22.30 — тэматычная канферэнцыя «Каранацыя абраза Маці Божай Будслаўскай»
- 23.30 — працэсія са свечкамі і копіяй абраза Маці Божай Будслаўскай
- 0.00 – святая Імша (Мітрапаліт Мінска-Магілёўскі арцыбіскуп Юзаф Станеўскі)
- 1 ліпеня, субота
- 2.00 — Адарацыя Найсвяцейшага Сакрамэнту
- 6.00 — Боская Літургія паводле грэка-каталіцкага абраду ў базыліцы перад цудадзейным абразом
- 7.00 — Гадзінкі аб Беззаганным Зачацці Найсвяцейшай Панны Марыі
- 8.00 — святая Імша (цэлебруе біскуп Гродзенскі Аляксандр Кашкевіч)
- 9.00 — Фацімскі ружанец
- 10.00 — сустрэча Папскага легата арцыбіскупа Клаўдыё Гуджэроцці, узнагароджанне ўдзельнікаў конкурсу «Марыя ў маім сэрцы»
- 11.00 — святая Імша і Эўхарыстычная працэсія (цэлебруе Папскі легат арцыбіскуп Клаўдыё Гуджэроцці)
- На працягу ўсяго фэсту — ушанаванне вернікамі абраза Маці Божай Будслаўскай (базыліка).
