У суботу 1 кастрычніка па ініцытыве айцоў дамініканаў у Магілёве пройдзе Шосты Ружанцовы кангрэс. Тэма сёлетняга кангрэсу — «Абвячшэнне Божага Валадарства і заклік да навяртання».
Кангрэс традыцыйна праводзіцца на пачатку кастрычніка — асаблівага ружанцовага месяца. 7 кастрычніка ў Касцёле адзначаецца літургічны ўспамін Маці Божай Ружанцовай.
Мэта ружанцовых форумаў — паглыбленне духоўнай і інтэлектуальнай фармацыі вернікаў, якія моляцца на ружанцы і хочуць адкрываць тэалагічныя глыбіні, змешчаныя ў яго таямніцах.
Апекуном кангрэса з’яўляецца Генеральны вікарый Мінска-Магілёўскай архідыяцэзіі біскуп Аляксандр Яшэўскі SDB.
Арганізатары запрашаюць узяць удзел у кангрэсе ўсіх ахвотных, перадусім тых вернікаў, якія належаць да ружанцовых колаў, а таксама просяць аб малітве ў інтэнцыі кангрэса.
Ружанцовы Кангрэс у Магілёве — гэта аднадзённае мерапрыемства, падчас якога будуць прадстаўлены 4 канферэнцыі, звязаныя з тэмай кангрэса, будзе магчымасць сведчання пра плён ружанцовай малітвы і супольная малітва на ружанцы.
- 10.00 — пачатак Ружанцовага кангрэса;
- 17.00 — святая Імша на заканчэнне кангрэса; цэлебрацыю ўзначаліць Мітрапаліт Мінска-Магілёўскі арцыбіскуп Юзаф Станеўскі.
Для кожнага ўдзельніка будзе падрыхтаваны абед і кнігі ў падарунак. Удзел у кангрэсе бясплатны: ахвяраванне на арганізацыйныя мэты можна будзе скласці падчас святой Імшы.
- Увага! Для ўдзелу абавязковая рэгістрацыя. Арганізатары просяць паведаміць пра свой удзел у кангрэсе да 25 верасня.
- Кантакт: айцец Раман Шульц ОР, тэл.: +375 (29) 291 92 11; e-mail: schulzop@gmail.com
- Адрас: катэдра Унебаўзяцця Найсвяцейшай Панны Марыі і святога Станіслава, вул. Камсамольская, 4, г. Магілёў.
