У грэка-каталіцкай парафіі святога Праведнага Язэпа ў Мінску 19–25 чэрвеня штогод традыцыйна моляцца аб вечным жыцці для Васіля Быкава.
Васіль Быкаў нарадзіўся 19 чэрвеня 1924 года ў вёсцы Бычкі Ушацкага раёна Віцебскай вобласці і адышоў у вечнасць у Мінску 22 чэрвеня 2003 года.
У апошні перыяд жыцця народны пісьменнік быў духоўна звязаны з грэка-каталіцкай парафіяй святога Праведнага Язэпа.
Пахавальныя абрады пасля яго смерці правёў айцец Андрэй Абламейка з удзелам ксяндза Уладзіслава Завальнюка. Цела спачылага Васіля Быкава было пахавана 25 чэрвеня 2003 года на мінскіх Усходніх могілках паводле грэка-каталіцкага абраду.
Заўпакойная Літургія і Паніхіда аб вечным жыцці для святой памяці Васіля Быкава будзе служыцца ў гадавіну пахавання, у пятніцу 25 чэрвеня, у храме парафіі святога Праведнага Язэпа ў Мінску па адрасе:
вул. Арджанікідзэ, 6 (станцыя метро «Аўтазаводская»).
Пачатак у 18.30
Вечная памяць!
