Грэка-каталіцкая парафія Маці Божай Нястомнай Дапамогі ў Мінску запрашае на велікапосныя анлайн-рэкалекцыі, якія пройдуць у форме прамой трансляцыі з 25 па 27 сакавіка.
Духоўныя практыкаванні правядзе айцец Андрэй Буйніч з Ліды.
Пачатак рэкалекцыйных навук у 18.00.
Рэкалекцыі распачнуцца 25 сакавіка святочным набажэнствам а 18-й гадзіне, падчас якога са словам звернецца Апостальскі візітатар для грэка-католікаў Беларусі архімандрыт Сяргей Гаек.
Далучыцца можа кожны ахвотны на канале YouTube. Для удзелу ў рэкалекцыях абавязковая рэгістрацыя. Зарэгістравацца можна праз паведамленне, у якім неабходна падаць імя і прозвішча удзельніка на:
- профіль Facebook Яўген Усошын
- або ў Whatsapp ці Vіber на нумар +375 (29) 312 28 26
Зарэгістраваным удзельнікам будзе выслана спасылка на прамую трансляцыю.
