У нядзелю 7 лютага Ганаровы Мітрапаліт Мінска-Магілёўскі арцыбіскуп Тадэвуш Кандрусевіч наведае Магілёў, дзе памоліцца з мясцовымі вернікамі і сустрэнецца з духавенствам Магілёўскага рэгіёну.
Па запрашэнні Біскупскага вікарыя для горада Магілёва і Магілёўскай вобласці біскупа Аляксандра Яшэўскага SDB, арцыпастыр узначаліць цэлебрацыю святой Імшы ў старажытнай магілёўскай катэдры Унебаўзяцця Найсвяцейшай Панны Марыі і святога Станіслава ў інтэнцыі падзякі Богу за 75 гадоў жыцця і за вяртанне на радзіму.
Сустрэча іерарха з вернікамі Магілёўшчыны таксама стане выразам яго удзячнасці ім за малітоўную падтрымку ў цяжкі час выгнання.
Пачатак святой Імшы ў 11.00
Увечары ў парафіі святога Антонія адбудзецца сустрэча Ганаровага Мітрапаліта з духавенствам Магілёўскага рэгіёну на чале з біскупам Аляксандрам Яшэўскім.
