16 жніўня ў Валкалаце (Докшыцкі дэканат) урачыста адзначаць 600-годдзе парафіі святога Яна Хрысціцеля і 150-годдзе парафіяльнай святыні.
Урачыстая святая Імша падзякі Богу з нагоды двух юбілеяў, цэлебрацыю якой узначаліць Мітрапаліт Мінска-Магілёўскі арцыбіскуп Тадэвуш Кандрусевіч, распачнецца ў парафіяльным касцёле а 12-й гадзіне.
З гісторыі парафіі
Касцёл пад тытулам св. Яна Хрысціцеля ў Валкалаце быў пабудаваны ў 1870 г. з каменя і цэглы ў стылі неабарока. Памеры касцёла наступныя: даўжыня — 40 м, шырыня — 20 м і вышыня — 20 м. Асвячаны 12 кастрычніка 1885 г. ксяндзом дэканам Нікадэмам Цудзынам.
Асаблівым можна лічыць той факт, што гэты касцёл ніколі не быў адабраны або зачынены, але дзейнічаў нават у гады атэістычнага савецкага рэжыму.
Пасля вайны душпастырамі парафіі былі кс. Станіслаў Гурскі, кс. Казімір Данковіч. Вялікі ўнёсак у справу адраджэння парафіяльнага жыцця пасля дзесяцігоддзяў пераследу веры зрабілі браты капуцыны.
Пробашч парафіі святога Яна Хрысціцеля ў Валкалаце ксёндз Алег Півавар шчыра запрашае ўсіх жадаючых узяць удзел у святкаванні.
