Малітва «24 гадзіны для Пана» пройдзе 20–21 сакавіка ў магілёўскай катэдры Унебаўзяцця Найсвяцейшай Панны Марыі і святога Станіслава.
Набажэнства распачнецца ў пятніцу 20 сакавіка а 9-й гадзіне, а завершыцца святой Імшой 21 сакавіка а 9-й гадзіне.
Цэлебрацыю ўзначаліць біскупскі вікарый для горада Магілёва і Магілёўскай вобласці біскуп Аляксандр Яшэўскі SDB.
На працягу 24-х гадзін у капліцы Маці Божай Бялыніцкай у магілёўскай катэдры будзе праходзіць адарацыя Найсвяцейшага Сакрамэнту. У ёй возьмуць удзел вернікі Магілёўскага рэгіёна, сем’і, прадстаўнікі касцёльных рухаў, духавенства і манаскіх супольнасцяў. Таксама будзе магчымасць паяднацца з Богам у сакрамэнце пакаяння, прыступіўшы да споведзі.
Адказны за правядзенне малітвы ксёндз Валерый Даўгуль.
