Курыя Гродзенскай дыяцэзіі са смуткам паведамляе, што 15 мая пасля цяжкай хваробы адышоў у вечнасць ксёндз Ян Сарэла, духоўны айцец Міждыяцэзіяльнай вышэйшай духоўнай семінарыі ў Гродне.
Парадак развітання з целам спачылага святара наступны:
16 мая, субота
- пасля 14.00 — труна з целам будзе знаходзіцца ў семінарыйнай капліцы
- 19.00 — святая Імша для семінарыйнай супольнасці.
17 мая, нядзеля
- 14.30 — перанясенне труны з целам у касцёл Адшукання Святога Крыжа ў Гродне (пабернардынскі).
- 15.00 — святая Імша.
- Пасля св. Імшы — развітанне ў Гродне і перавоз труны з целам у касцёл Адведзінаў Найсвяцейшай Панны Марыі ў Тракелях (Гродзенская дыяцэзія, Радунскi дэканат), адкуль паходзіць святар.
- 19.00 — святая Імша ў касцёле ў Тракелях, малітоўнае чуванне пры труне.
18 мая, панядзелак
- 12.00 — пахавальная святая Імша.
Пахаванне адбудзецца на парафіяльных могілках.
Абед для святароў і законных сясцёр — у рэкалекцыйным доме ў Тракелях.
Ксёндз Ян Сарэла нарадзіўся 28 жніўня 1975 года. Паходзіць з парафіі ў Тракелях (Гродзенская дыяцэзія, Радунскі дэканат).
Прэзбітэрскае пасвячэнне прыняў 3 чэрвеня 2000 года ў катэдральнай базыліцы святога Францішка Ксавэрыя ў Гродне з рук біскупа Аляксандра Кашкевіча.
Вечны адпачынак дай яму, Пане…
