Мультфільмы пра чаканне Божага Нараджэння — гэта штосьці казачнае, прыгожае і цікавае, тое, што абавязкова прыцягне ўвагу вашых дзяцей. Мы знайшлі 6 мульцікаў пра сутнасць Божага Нараджэння.
1. Песня анёла
Маленькі хлопчык хоча даведацца, якім было першае Божае Нараджэнне.
Цацачны анёл на верхавіне каляднай ёлкі нечакана ажывае! Праз некалькі імгненняў герой апынаецца ў Бэтлееме і становіцца сведкам самай важнай гісторыі ў свеце — гісторыі нараджэння Хрыста!
2. Зорка, якая вядзе
Светлая анімацыйная казка, якая брала натхненне са старонак пра гісторыю Божага Нараджэння, распавядае пра маладога осліка Бо, авечку Рут і іх незвычайных сяброў-жывёл, якія накіроўваюцца ў падарожжа следам за Бэтлеемскай зоркай.
3. Чырвоныя чаравікі на Божае Нараджэнне
На носе Божае Нараджэнне. Жыхары Фрыдэнсдорфа рыхтуюцца да свята, у тым ліку і маленькая капрыза Адэлаіда з бацькам. І толькі шавец Ганс не чакае свята. Для яго Каляды — гэта жабрацтва, ён не разумее таго, што людзі дораць адно аднаму падарункі, рыхтуюць калядную вячэру.
Ганс паводзіць сябе непрыгожа з акружаючымі. Ноччу, калі Ганс спаў, яго наведаў анёл і сказаў, што дасць яму асаблівы падарунак.
4. «Каляды Эрмі»
Эрмі і яго сябры рыхтуюцца адзначаць Каляды. Яны ўпрыгожваюць ёлку, рыхтуюць падарункі і розыгрышы. Сябры вырашаюць перавыхаваць нахабных прусакоў, каб тыя не сапсавалі вясёлае свята.
5. Самы лепшы падарунак
Веміксвіль рыхтуецца да Дня Майстра, да свята Калядаў. Кожны заняты сваёй справай. Ганс выпякае шакаладна-вішнёвы торт з труфелямі. Віялета робіць апошнія штрыхі да святочнага букета. Люсія рыхтуе святочны канцэрт.
І толькі Панчынела засмучаны, у яго няма нічога, што магло б параўнацца з неверагоднымі падарункамі яго сяброў.
6. Калядны скарб Міхея
Беднага ганчара прымушаюць плаціць даніну Рыму, але плаціць яму няма чым. Калі ў чарговы раз сотнік прыязджае за грашыма, ён і іншыя рымляне збіраюцца яго правучыць. Аднак калі яны пачынаюць збіваць старога, за яго заступаецца яшчэ зусім юны сын Міхей.
