Набліжаецца 100-годдзе з дня нараджэння святога Яна Паўла ІІ, і біскуп Юзаф Станеўскі ў сваім блогу нагадвае пра тое, што казаў маладым хрысціянам гэты вялікі сябра моладзі.
Словы святога Яна Паўла ІІ
Дарагія сябры, калі вы навучыцеся адкрываць Езуса ў Эўхарыстыі, вы таксама зможаце адкрыць Яго ў сваіх братах і сёстрах, асабліва ў самых бедных. Эўхарыстыя, прынятая з любоўю і пашанай, становіцца школай свабоды і міласэрнасці, якая вядзе да рэалізацыі запаведзі любові.
Езус гаворыць з намі на цудоўнай мове самаахвярнай любові. Ці гэта простая мова? Не, вы гэта ведаеце!
Забыцца пра сябе няпроста; гэта прымушае нас адысці ад навязлівай і нарцысічнай любові, каб адкрыць чалавеку радасць кахання, якое з’яўляецца дарам.
Гэтая эўхарыстычная школа свабоды і міласэрнасці вучыць нас пераадольваць павярхоўныя эмоцыі і ўкараняцца ў тым, што сапраўднае і добрае; вызваляе чалавека ад закрытасці ў сабе і дазваляе адкрыцца для іншых; вучыць пераходу ад эмацыйнай любові да трывалай любові. Каханне — гэта не проста пачуццё; гэта акт волі, які заключаецца ў пастаянным выбары дабра іншых, забыўшыся пра ўласнае дабро: «Ніхто не мае большай любові за тую, калі хто жыццё сваё аддае за сяброў сваіх» (Ян 15,13).
З Паслання Папы Яна Паўла II моладзі ва ўсім свеце з нагоды 19-а Сусветнага дня моладзі.
