Фота teliostutors.com
З нашага матэрыялу вы даведаецеся, якія значныя падзеі ў гісторыі Касцёла адбываліся напрыканцы мая і на пачатку чэрвеня.
26 мая
- 451 — Аварайрская бітва паміж армянскімі паўстанцамі-хрысціянамі з сасанідамі-зараастрыйцамі, якія насаджалі сваю рэлігію ў Арменіі. Нягледзячы на паражэнне армянскага войска, бітва завяршылася маральнай перамогай паўстанцаў, якія абаранілі сваё права на вызнаванне хрысціянства
- 604 — памёр св. Аўгустын Кентэрберыйскі, бэнэдыктынскі манах, першы арцыбіскуп Кентэрберыйскі, святы Каталіцкага Касцёла, якога ўшаноўваюць як святога таксама ў Англіканскай і Праваслаўнай Цэрквах
- 1478 — нарадзіўся папа Клімэнт VII
28 мая
- 640 — Севярын стаў Папам
- 1599 — у Вільні была заключана канфедэрацыя паміж пратэстантамі і праваслаўнымі Рэчы Паспалітай
- 1982 — Ян Павел II стаў першым Папам, які наведаў з Апостальскім візітам Вялікабрытанію
29 мая
- 757 — Павел I стаў Папам
- 1138 — антыпапа Віктар IV падпарадкаваўся папу Інацэнту II
- 1415 — Сабор у Канстанцыі пазбавіў улады антыпапу Яна XXIII
- 1439 — нарадзіўся папа Пій III
- 1580 — за заслугі ў абарону каталіцкай веры і як стымул для далейшых дзеянняў, асабліва супраць туркаў і татараў, папа Грыгорый XIII надаў каралю Рэчы Паспалітай Стэфану Баторыю тытул Fidei Defensor — «Абаронца веры»
- 1724 — пасля смерці папы Інацэнта XIII новым папам стаў Бэнэдыкт XIII
- 1954 — папа Пій X быў кананізаваны Піем XII
30 мая
- 1431 — забіта святая Жанна д’Арк
31 мая
- 1556 — нарадзіўся Юры Радзівіл, касцёльны і дзяржаўны дзеяч Рэчы Паспалітай, кардынал (памёр 23 студзеня 1600 г.)
- 1578 — італьянскі археолаг Антоніё Босіа адкрыў у Рыме старажытныя хрысціянскія катакомбы
- 1653 — папа Інацэнт X у буле Cum occasione асудзіў вучэнне янсенізму — ерэтычнай плыні ў Францыі і Галандыі
- 1954 — нарадзіўся Уладзіслаў Блін, каталіцкі касцёльны дзеяч, першы біскуп Віцебскай дыяцэзіі
- 1979 — памёр кс. Францішак Чарняўскі, беларускі каталіцкі святар. Прамаўляў казанні на беларускай мове і распаўсюджваў сярод вернікаў беларускія выданні. З 1929 быў на місіі ў Францыі, з 1933 — у Бельгіі. З 1957 года жыў і служыў у ЗША, дзе выдаваў таксама беларускі рэлігійны часопіс Siaŭbit
- 2007 — Святы Пасад і Аб’яднаныя Арабскія Эміраты ўсталявалі дыпламатычныя адносіны
1 чэрвеня
- 1495 — першы пісьмовы ўспамін пра шатландскі віскі, з якога вынікае, што першым вядомым вытворцам гэтага алкагольнага напою быў каталіцкі манах Джон Кор
- 1846 — памёр Грыгорый XVI, 254-ы Папа (1831–1846 гг.)
