Сёлета асаблівы Вялікі пост. Яго асаблівасць перш за ўсё ў тым, што ён распачынаецца 14 лютага, калі з усіх бакоў нам кажуць пра любоў, пра каханне. А Вялікдзень мы будзем адзначаць 1 красавіка — у «свята дурняў», дзень жартаў і падманаў, дзень «паўсюднага фэйку».
У сённяшняй культуры дзень св. Валянціна цалкам «камерцыялізаваны» і спрафанаваны спажывецтвам, а 1 красавіка часам становіцца прычынай здзекаў.
Для хрысціяніна ж з першага дня посту стаіць пытанне: ці мая любоў сапраўдная таксама, як любоў Бога, які стаў чалавекам, каб для мяне цярпець, памерці і ўваскрэснуць?
Ад кожнага з нас залежыць, ці 1 красавіка заклік «Хрыстус уваскрос!» не будзе гучаць як чарговы фэйк.
