Спыні свае крокі, увайдзі ў Яго цішыню, напоўніся сапраўднай праўдзівай прысутнасцю Бога — такога Непаўторнага і Усемагутнага, Бога, які заключыў сябе ў гэтым Найсвяцейшым Сакрамэнце. Бога, які чакае цябе, каб паразмаўляць, адкрыцца твайму сэрцу і аздаравіць яго.
Цішыня… Ты часта прагнеш цішыні, каб проста пабыць, проста паслухаць, проста пачуць у гэтай мітусні стук уласнага сэрца… Сэрца, якое ўвесь час чагосьці прагне, шукае, імкнецца знайсці, і, здаецца ніяк не можа адшукаць. У галаве шмат думак, эмоцый, сцэн з даўняга мінулага, або з сённяшняга дня… Гэты вір захоплівае цябе настолькі, што ты сам часам становішся падобным на яго, і ўжо не пазнаеш сябе. Так, менавіта падобным, але насамрэч гэта не ты…
Ты ведаеш, што гэта часовы стан, які знікне дзякуючы Божай волі, бо толькі Ён дае яснасць думак і сапраўднасць тваёй асобе. Толькі Ён адорвае супакоем і напаўняе сэрца любоўю. Толькі Ён ведае цябе лепей за ўсіх, і гатовы прыняць такім, які ты ёсць… Толькі Ён.
Адарацыя. Увайдзі ў Яго цішыню, аддай сваё сэрца і розум Таму, хто іх стварыў, даручы ўсе свае праблемы, клопаты, мары і імкненні. Будзь з Ім. Шукай Яго. Напаўняйся Ім. Напаўняйся Яго гармоніяй, таямнічым спакоем і раўнавагай, бо толькі ў Ім жыццё, толькі ў ім праўда, толькі ў Ім правільны шлях… Бог па-над усім…
Увайдзі ў Яго цішыню…
Куды схадзіць на адарацыю ў Мінску і абласных цэнтрах?
Мінск
Архікатэдра імя Найсвяцейшай Панны Марыі
- Кожны панядзелак — пасля св. Імшы на 18:30
Касцёл свв. Сымона і Алены (Чырвоны)
- Капліца Маці Божай Будслаўскай (дольная частка касцёла) — на працягу дня.
- Кожную першую пятніцу месяца — пасля св. Імшы на 23:00 (начное чуванне і адарацыя).
Капліца Маці Божай Ружанцовай (Лошыца)
- Штодня — з 15:00 да 19:00
Капліца св. Яна Евангеліста і св. Максімільяна Марыя Кольбэ
- Кожную пятніцу ў 18:00;
- Кожную нядзелю ў 19:00
Касцёл Узвышэння Святога Крыжа (Кальварыя)
- Кожную першую нядзелю месяца 11.00 –14.00;
- Кожную суботу — з 19:30 да 20:30
Капліца Божага Цела (мрн. Ангарская)
- Кожны чацвер – з 18:00 да 19:00;
Эўхарыстычныя набажэнствы:
- Кожная першая пятніца месяца — 18:30;
- Першая субота месяца — 18:00;
- Першая нядзеля — пасля св. Імшы на 9:00
Капліца св. Яна Хрысціцеля (Серабранка)
- Кожную першую пятніцу месяца пасля св. Імшы ў 22:00 і да 7:00 (акрамя летняга перыяду)
Капліца Беззаганнага Зачацця Найсвяцейшай Панны Марыі (Сухарава)
- Кожную першую нядзелю месяца 30-ціхвілінныя адарацыі пасля св. Імшаў на 9:30 і 12:00
Капліца св. Міхала Арханёла (Зялёны Луг)
- Кожную нядзелю – 17:15 да 18:00;
- Першая пятніца месяца – набажэнства да Сэрца Езуса з выстаўленнем Найсвяцейшага Сакрамэнта (пасля Імшы на 18:00);
- Першая субота месяца – набажэнства да Беззаганнага Сэрца Марыі (пасля Імшы на 18:00)
Касцёл Маці Божай Будслаўскай (Каменная Горка)
- Першая пятніца і субота месяца перад Імшой на 18:00;
- Першая нядзеля месяца — перад Імшой на 11:30
Гродна
Рэктаральны касцёл Звеставання Найсвяцейшай Панны Марыі (пабрыгіцкі касцёл)
- Кожную пятніцу — з 20:30 да 22:00;
- Кожная першая субота месяца — з 20:00 да 8:00 ранку ў нядзелю;
- 13-ты, фацімскі дзень кожнага месяца — з 8:00 да 18:00
Касцёл св. Францішка Ксаверыя (Катэдра)
- Кожны дзень — з 9:00 да 18:00
Касцёл Божай Міласэрнасці (Вішнявец)
- Кожны дзень — з 18.30 да 19.00
- Кожнае 13 чысло месяца — з 15.00 да 19.00 (фаціскае набажэнства)
- Кожная першая пятніца — з 8:00 (пятніца) да 8:00 (субота)
Брэст
Касцёл Узвышэння Святога Крыжа
- Кожны дзень — з 17:00 да 18:00
Гомель
Касцёл Нараджэння Божай Маці
- Кожную нядзелю — з 8:15 да 9:00;
- Першы чацвер і пятніца месяца — пасля Імшы на 18:30;
- Субота — пасля Імшы на 8:00
Магілёў
Касцёл св. Антонія
- Кожны чацвер — з 17:00 да 18:00;
- Кожная 1-я пятніца месяца — з 17:00 да 18:00;
- 1-я субота — з 18:30 да 19:30
Касцёл Унебаўзяцця Найсвяцейшай Панны Марыі і св. Станіслава (катэдра)
- Кожны чацвер — з 10:00 да 18:00;
- Кожная нядзеля — з 10:00 да 11:00
Капліца Св. казіміра і Св. Ядвігі
- Будні — перад Імшой на 7:00 і на 18:00 (за паўгадзіны да Імшы ціхая адарацыя);
- Нядзеля — перад Імшой на 10:00 і 18:00 (за паўгадзіны да Імшы)
Віцебск
Касцёл св. Барбары
- Панядзелак-пятніца — з 8:30 да 9:00 (адарацыя разам з малітвай на ружанцы), і з 17:00 да 18:00
Касцёл Езуса Міласэрнага (катэдральны)
- Кожны чацвер — з 18:00 да 19:00
Касцёл св. Антонія з Падуі
- Першыя чацвер, пятніца і субота месяца — пасля св. Імшы на 18:00;
- Першая нядзеля месяца — пасля св. Імшы на 10:00
Касцёл Святога Духа
- Кожны чацвер пасля вечаровай св. Імшы — з 19:30 да 21:00
