Пошук


26.10.2019 11:11   Тэкст: Кс. Аляксандр Улас / Catholic.by

Пра важныя падзеі ў гісторыі Касцёла, якія прыпадаюць на наступным тыдні, можна даведацца з аўтарскага матэрыялу дырэктара парталу Catholic.by кс. Аляксандра Уласа.

27 кастрычніка

  • 625 — Ганорый I абраны папам
  • 1890 — нарадзіўся Віктар Шутовіч, беларускі каталіцкі святар, прыхільнік выкарыстання беларускай мовы ў набажэнствах (памёр 1 сакавіка 1960 г.)
  • 1986 — галоўныя прадстаўнікі сусветных рэлігій сабраліся ў Асізі па запрашэнні папы Яна Паўла ІІ на малітву за мір

28 кастрычніка

  • 1925 — папа Пій XI буллай Vixdum Poloniae unitas стварае Пінскую каталіцкую дыяцэзію
  • 1926 — папа Пій XI пасвяціў першых шасцёх кітайскіх біскупаў
  • 1958 — кардынал Анджэло Джузэпэ Ранкаллі быў абраны папам і прыняў імя Ян XXIII
  • 1965 — падчас Другога Ватыканскага Сабору была выдадзена дэкларацыя пра стаўленне Касцёла да нехрысціянскіх рэлігій Nostra ætate

29 кастрычніка

  • 1187 — папа Грыгорый VIII абвясціў буллу Audita tremendi, у якой заклікаў да трэцяга Крыжовага паходу
  • 1591 — абраны папа Інацэнт IX
  • 1967 — папа Павел VI публікуе Апостальскае пасланне Africæ terrarum (Пра землі Афрыкі)

30 кастрычніка

  • 701 — Ян VI стаў папам
  • 942 — Марын II стаў папам
  • 1705 — нарадзіўся папа Клімэнт XIV
  • 1512 — Мікеланджэло Буанароці заканчвае роспіс скляпення Сікстынскай капэлы ў Рыме
  • 1853 — беатыфікацыя Андрэя Баболі
  • 1883 — нарадзіўся Ян Семашкевіч (Янка Быліна), беларускі каталіцкі святар, паэт і драматург (памёр 18 лютага 1956 г.)
  • 1902 — папа Леў XIII стварыў Папскую біблійную камісію

31 кастрычніка

  • 1378 — інтранізацыя антыпапы Клімэнта VII, з якой пачалася Вялікая заходняя схізма
  • 1517 — Марцін Лютэр прымацаваў 95 тэзісаў на дзвярах катэдры ў Вітэнбергу (Германія), што лічыцца пачаткам Рэфармацыі
  • 1705 — нарадзіўся папа Клімэнт XIV
  • 1749 — папа Бэнэдыкт XIV публікуе энцыкліку Gravissimo animi пра жаночыя кляштары
  • 1982 — папа Ян Павел II упершыню наведаў Іспанію
  • 1992 — папа Ян Павел II цалкам рэабілітаваў Галілея
  • 1999 — Каталіцкі Касцёл і Лютэранская супольнасць падпісваюць сумесную дэкларацыю, якая паклала канец шматвяковай дактрынальнай спрэчцы аб веры і збаўленні

1 лістапада

  • 835 — папа Грыгорый IV пераносіць святкаванне свята Усіх Святых з 13 мая на 1 лістапада
  • 1215 — пачаўся IV Латэранскі Сабор
  • 1478 — папа Сікст IV па просьбе іспанскіх манархаў Фердынанда І Справядлівага і Ізабэлы I Каталіцкай даў ім права прызначаць інквізітараў у Андалусіі
  • 1503 — кардынал Джуліяно дэла Ровэрэ быў абраны папам і прыняў імя Юлій ІІ
  • 1512 — упершыню публіцы былі паказаныя роспісы Мікеланджэло ў Сікстынскай капэле
  • 1520 — падчас кругасветнай экспедыцыі Фэрнан Магелан праплыў праліў, які назваў у гонар Усіх Святых і які пазней быў названы ў яго гонар
  • 1745 — папа Бэнэдыкт XIV апублікаваў энцыкліку Vix Pervenit аб ліхвярстве і іншых нячыстых даходах
  • 1885 — папа Леў XIII апублікаваў энцыкліку Misericors Filius аб звышнатуральнай прыродзе Касцёла
  • 1888 — нарадзіўся благаслаўлёны Міхал Сапоцька, каталіцкі святар, спаведнік святой Фаўстыны Кавальскай, заснавальнік Кангрэгацыі сясцёр Міласэрнасці Езуса Хрыста (памёр 15 лютага 1975 г.)
  • 1900 — папа Леў XIII абвясціў энцыкліку De Redemptore
  • 1914 — папа Бэнэдыкт XV выдаў энцыкліку Beatissimi Apostolorum, у якой перасцерагаў ад небяспекаў, што вядуць да вайны
  • 1950 — папа Пій XII абвясціў догмат пра Унебаўзяцце Найсвяцейшай Панны Марыі
  • 1956 — папа Пій XII абвясціў энцыкліку Lætamur Admodum, у якой заклікаў да малітвы аб міры ў Польшчы, Венгрыі і на Блізкім Усходзе

2 лістапада

  • 676 — Донус абраны папам
  • 998 — Адыліён Клюнійскі паклаў пачатак святкаванню ўспаміну Усіх памерлых вернікаў
  • 1389 — Баніфацый IX абраны папам
  • 1769 — у выніку абвалу вежы віленскай катэдры загінула 6 святароў
  • 1946 — ксёндз Караль Вайтыла цэлебраваў у крыпце святога Леанарда Вавэльскай катэдры ў Кракаве сваю прыміцыйную Імшу
Абноўлена 28.10.2019 00:55
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.