Пошук


21.04.2017 09:05  

20 красавіка Вярхоўны суд РФ прызнаў эктрэмісцкай дзейнасць «Упраўленчага цэнтра сведкаў Іеговы ў Расіі» і забараніў яго работу. Таксама суд вынес рашэнне канфіскаваць у даход дзяржавы маёмасць арганізацыі.

Наступствы судовага рашэння

Калі рашэнне суда ўступіць у сілу, то членаў «Сведак Іеговы» могуць прыцягваць да адказнасці за экстрэмізм і ім будзе пагражаць пазбаўленне волі ад двух да шасці гадоў.

Паводле слоў аднаго са сведкаў у судзе, «”Сведкі Іеговы” фармальна сочаць за кананічным выкананнем норм, але насамрэч гаворка ідзе пра татальны кантроль асабістага жыцця чалавека — яго інтымнага жыцця, адукацыі і працы».

Юрысты «Сведкаў Іеговы» абвяргаюць выстаўленыя абвінавачванні. У прыватнасці яны не згодныя з абвінавачваннем у экстрэмізме іх літаратуры, якую яны распаўсюджваюць. Паводле іх слоў, прэтэнзіі былі выстаўленыя да цытатаў з Бібліі. Юрысты таксама дадаюць, што пры вобыску было парушана расійскае заканадаўства.

На сёння ў Расіі зарэгістравана каля 2270 рэлігійных арганізацый «Сведкі Іеговы», якія аб’ядноўваюць 175 тысяч вернікаў.

Паводле ria.ru (IL)

Абноўлена 23.08.2017 14:55
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа