Пошук


20.04.2017 09:29  

18 красавіка, за дзесяць дзён да візіту папы Францішка ў Егіпет, на паўвостраве Сінай каля паліцэйскага пункту недалёка ад праваслаўнага манастыра святой Кацярыны адбылася стральба, у выніку якой быў забіты адзін паліцэйскі і паранены чатыры іншыя. 

Дырэктар службы бяспекі Паўднёвага Сінаю генерал-маёр Ахмед Таіль заявіў егіпецкаму выданню «Аль-Масры аль-Яум», што стральба каля манастыра была выпадковай і на месцы здарэння ідзе следства.

Нагадаем, што ў Пальмовую нядзелю, 9 красавіка, адбыліся два тэрарыстычныя напады на копцкія святыні — у Александрыі і ў Танце, у выніку якіх загінулі 45 чалавек і амаль 100 былі паранены.

28–29 красавіка папа Францішак здзейсніць апостальскае падарожжа ў Егіпет. Падчас візіту Пантыфік сустрэнецца, між іншым, і з мусульманскімі лідарамі.

Здарэннем на Сінаі занепакоены Прэзідэнт краіны Абдэль Фатта аль-Сісі, які намагаецца вярнуць у краіну спакой і мір, а таксама ў межах барацьбы з ісламскім экстрэмізмам стараецца бараніць хрысціянскую меншасць.

Заснаваны ў VI стагоддзі ля падножжа гары Сінай манастыр св. Кацярыны з’яўляецца адным з самых старажытных і самых важных месцаў хрысціянскага культу не толькі ў Егіпце, але і ва ўсім свеце. У праваслаўі ён мае статус асобнай аўтаномнай Царквы, якая падпарадкоўваецца Патрыярху Іерусалімскаму.

Паводле КАІ (VGr)

Абноўлена 06.09.2017 16:06
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа