Пошук


22.03.2017 08:47  

Рэстаўрацыя капліцы, так званай Кувукліі, над месцам пахавання Хрыста ў святыні Гробу Пана ў Іерусаліме завершана. Пра гэта 21 сакавіка паведаміла брытанская газета The Catholic Herald.

Адкрыццё капліцы адбудзецца 22 сакавіка ў прысутнасці Патрыярха Канстанцінопальскага Барталамея І і прадстаўніка папы Францішка.

Рэстаўрацыйныя працы ў святыні Гробу Пана праводзіліся пад кіраўніцтвам прафесара Афінскага нацыянальнага палітэхнічнага ўніверсітэта Антоніі Марапулу з вясны 2016 года. Праект, на які спатрэбілася $4 млн, рэалізоўваўся на ахвяраванні.

Падчас прац быў дэмантаваны металічны каркас, які атачаў Кувуклію з 1947 года, а мураваны фасад святыні ачышчаны ад сажы. Акрамя гэтага рэстаўратары прарубілі акно, праз якое наведвальнікі святыні ўпершыню змогуць убачыць гроб Збаўцы.

Гроб Пана — адна з галоўных святыняў хрысціянскага свету. Лічыцца, што яна стаіць на тым самым месцы, дзе, паводле Святога Пісання, быў пахаваны (г.зн. пасля зняцця Езуса з крыжа сюды было пакладзена Яго цела), а затым уваскрос Езус Хрыстус. Гэтае месца было знойдзена праз тры стагоддзі пасля ўкрыжавання Хрыста.

Над месцам пахавання Езуса ў 1810 годзе, пасля разбуральнага пажару, была пабудавана Кувуклія, якая з тых часоў ніколі не рэстаўравалася.

Паводле sib-catholic.ru
(VGr)

Абноўлена 05.06.2017 13:28
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа