Ардынарый дыяцэзіі св. Клімента ў Саратаве біскуп Клеменс Пікель абраны новым старшынёю Канферэнцыі Каталіцкіх Біскупаў у Расіі. Пра гэта стала вядома 17 сакавіка падчас пленарнага пасяджэння біскупаў у Сочы.
Як паведамляе са спасылкай на «Интерфакс-Религия» blagovest-info.ru, з 2011 года на працягу двух тэрмінаў пасаду кіраўніка ККБР займаў арцыбіскуп Паола Пеццы — кіраўнік архідыяцэзіі Маці Божай у Маскве, а біскуп Пікель быў яго намеснікам.
У сувязі з заканчэннем тэрміну паўнамоцтваў перавыбраны таксама віцэ-старшыня епіскапату — ім стаў ардынарый дыяцэзіі з Новасібірска біскуп Юзаф Верт, які ў свой час быў калісьці папярэднікам Пеццы на пасадзе старшыні Канферэнцыі.
Наступнае пленарнае пасяджэнне ККБР пройдзе 18-19 кастрычніка ў Новасібірску.
blagovest-info.ru
