Пошук


31.01.2017 10:51  

Прэзідэнт ЗША Дональд Трамп заявіў пра несправядлівасць у адносінах да сірыйскіх хрысціянаў, якім, на яго думку, цяжэй, чым мусульманам, эміграваць у ЗША, і паабяцаў дапамагчы ім.

Як піша blagovest-info.ru са спасылкай на РИА Новости, пра гэта Трамп заявіў у інтэрв’ю Хрысціянскай вяшчальнай тэлесетцы.

«Ведаеце, калі б вы былі хрысціянінам з Сірыі, то вам было б немагчыма, прынамсі вельмі цяжка, трапіць у ЗША. Калі б вы былі мусульманінам, то маглі б прыйсці», — заявіў Трамп.

Паводле яго слоў, тэрарысты ў Сірыі адсякаюць галовы многім людзям, але ў большай ступені пакутуюць менавіта хрысціяне. Таму сённяшнюю сітуацыю з міграцыяй хрысціян у ЗША ён назваў «вельмі-вельмі несправядлівай». «Мы збіраемся дапамагчы ім», — дадаў прэзідэнт.

Тым часам 27 студзеня Трамп падпісаў указ, які прыпыняе прыём бежанцаў у ЗША на 120 дзён, забараняе на нявызначаны тэрмін размяшчэнне бежанцаў з Сірыі і ўскладняе некаторыя правілы ўезду ў ЗША. Такое рашэнне новаабранага прэзідэнта выклікала шматлікія пратэсты.

Паводле blagovest-info.ru (IL)

Абноўлена 05.06.2017 13:28
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця