Пошук


27.01.2017 11:51  

Жыхары Вроцлава і Варшавы захапляюць сваёй вынаходлівасцю і добрымі сэрцамі. На гэты раз яны дапамагаюць тым, хто найбольш церпіць ад марозаў — беспрытульным.

Глыток цёплай кавы ці гарбаты можа ўратаваць жыццё — купі тэрмас для бяздомнага.

Такая ідэя прыйшла біснесмену з Вроцлава, і ён запрашае ўсіх да ўдзелу ў акцыі «Тэрмас для Брата — падары цяпло», сутнасць якой у тым, каб купляць тэрмасы і забяспечваць імі беспрытульных асобаў. Гэта недарагі жэст, але ён можа ўберагчы кагосьці ад смерці на марозе.

Такую акцыю можна зладзіць у кожным горадзе і ў кожнай краіне. Да таго ж арганізатары заахвочваюць запрашаць да ўдзелу ў акцыі сваіх супрацоўнікаў, дырэктара, сям’ю, сяброў.

Акрамя гэтага ў канцы студзеня ў Варшаве з’явяцца тры мабільныя лазні для беспрытульных. Гэта супольны праект горада і каталіцкай дабрачыннай арганізацыі «Caritas» Варшаўска-Пражскай дыяцэзіі.

Паводле deon.pl
(VGr)

Абноўлена 05.06.2017 13:28
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа