Пошук


27.01.2017 10:32  

У Маскве і вобласці жывуць дзясяткі тысяч веруючых католікаў, якім не хапае культавых будынкаў. Пра гэта заявіў прадстаўнік Рыма-каталіцкай архідыяцэзіі Божай Маці ў Маскве Віталій Бародзін.

«Культавых каталіцкіх будынкаў у Маскве ўсяго тры. На гэтыя будынкі прыпадае сем парафій. Гэта значыць назіраецца вострая неабходнасць у будынках», — цытуюць Бародзіна РИА Новости.

Прадстаўнік архідыяцэзіі ўдакладніў, што гаворка ідзе пра катэдральны касцёл Беззаганнага Зачацця Найсвяцейшай Панны Марыі на Малой Грузінскай вуліцы, пра касцёл святога Людовіка Французскага на Лубянцы і касцёл святой Вольгі ў Любліна.

Пры гэтым, па словах Віталія Бародзіна, сёння вернікі дабіваюцца перадачы парафіі храмавага комплексу святых Пятра і Паўла ў Мілюцінскім завулку ў цэнтры горада.

Сакратар Канферэнцыі Каталіцкіх Біскупаў у Расіі а. Ігар Кавалеўскі прывёў даныя, паволе якіх у Маскве і вобласці «па самых сціплых ацэнках» пражывае да 40–50 тысяч католікаў. Большасць з іх, як адзначыў святар, рускамоўныя.

Паводле sib-catholic.ru
(VGr)

Абноўлена 05.06.2017 13:28
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.