Пошук


12.01.2017 10:45  

«Не ведаю, як доўга трэба будзе гэтага чакаць, аднак, думаю, што перспектыва падарожжа Папы ў Маскву ўжо не з’яўляецца праблематычнай, хоць невядома, калі яно абудзецца», — на гэта звярнуў увагу арцыбіскуп архідыяцэзіі Маці Божай у Маскве Паоло Пеццы.

У гэтыя дні іерарх прымае ўдзел у V Еўрапейскім каталіцка-праваслаўным форуме ў Парыжы, арганізаваным Радай Біскупскіх Канферэнцый Еўропы (РБКE) і праваслаўнымі Цэрквамі з Еўропы.

Узгадваючы гістарычную мінулагоднюю сустрэчу папы Францішка і Патрыярха Кірыла ў Гаване, арцыбіскуп Пеццы, які з’яўляецца старшынёй Канферэнцыі Каталіцкіх Біскупаў у Расіі, выказаў перакананне, што аднойчы Святы Айцец мог бы прыбыць у Маскву. «Пасля Кубы, або пасля “ўдару”, які быў няпростым для Праваслаўнай Царквы ў Расіі, сёння можна сказаць, што візіт Папы ў гэтую краіну ўжо не з’яўляецца праблемай», — запэўніў арцыбіскуп Паоло Пеццы.

Іерарх звярнуў таксама ўвагу, што сярод праваслаўных чуліся незадаволеныя галасы пасля гэтай гістарычнай сустрэчы, але яны былі нешматлікімі, а сёння «гэта ўжо мінулае».

На думку арцыбіскупа Пеццы, калі некалі адбудзецца гэтая сустрэча, — ці то ў Маскве, ці то ў Рыме, — гэта «будзе добра для ўсіх». «Але ён [Пантыфік] вельмі тактоўны і не дзейнічае сілай», — дадаў іерарх.

КАІ, (VGr)

Абноўлена 05.06.2017 13:28
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Дух хоча жыць у нас –
мы пакліканы да вечнага жыцця