Пасля зацвярджэння папам Францішкам яго змест будзе абнародаваны Паўсюднаму Касцёлу.
Падчас прэзентацыі, якая адбылася 23 кастрычніка ў Ватыкане, генеральны рэлятар кардынал Сержыу да Роша падкрэсліў, што асновай для распрацоўкі зместу Выніковага дакумента стаў Працоўны дакумент Сіноду Instrumentum Laboris.
Акрамя таго, пад увагу браліся прамовы, каментары і папраўкі, з якімі выступалі ўдзельнікі Сіноду.
Гаворка ідзе пра два розныя і ўзаемадапаўняльныя дакументы, якія разам даюць «бачанне складанасці ўзнятых пытанняў і дынамізму, з якім ажыццяўляецца шлях да іх вырашэння: іх варта чытаць разам, бо паміж імі робяцца пастаянныя сутнасныя адсылкі».
Дакумент складаецца са 173 параграфаў, у якія яшчэ могуць быць унесены папраўкі, калі пасля дэтальнага вывучэння яго зместу з адпаведнымі прапановамі выступяць Сінадальныя Айцы. Затым тэкст будзе прадстаўлены на зацвярджэнне Святому Айцу, і толькі пасля гэтага Выніковы дакумент Сіноду, дагэтуль канфідэнцыяльны, будзе абнародаваны ўсяму Каталіцкаму Касцёлу.
«Важна, каб партыкулярныя Касцёлы і Канферэнцыі Біскупаў здолелі ўспрыняць крэатыўна і з верай дынаміку дакумента, каб дастасаваць да ўласнай рэчаіснасці ўсё тое, што было дасягнута падчас працы», — заключыў кардынал Сержыу да Роша.
