26 лютага Святы Айцец прызначыў Апостальскімі Нунцыямі двух прэлатаў Рымскай курыі: монсеньёра Альфрэда Ксэрэба, які дагэтуль з’яўляўся Генеральным сакратаром Сакратарыяту па эканамічных пытаннях Святога Пасаду, і монсеньёра Жазэ Авеліна Бэтэнкура, кіраўніка службы пратакола Дзяржсакратарыяту.
Монсеньёр Ксэрэб — 59-гадовы мальтыйскі святар, былы асабісты сакратар Бэнэдыкта XVI і папы Францішка — быў прызначаны дыпламатычным прадстаўніком Папы ў Паўднёвай Карэі і Манголіі, а монсеньёр Бэтэнкур — 55-гадовы канадскі святар партугальскага паходжання — застанецца на сваёй пасадзе ў Дзяржсакратарыяце. Абодва атрымалі тытул арцыбіскупа.
