Пошук


Інтэнцыі Святога Айца

Чацвер, 31 кастрычніка
Інтэнцыі Святога Айца на лістапад 2024
01.11.2024 00:00
За тых, хто страціў дзіця Молімся за ўсіх бацькоў, якія аплакваюць смерць сына або дачкі, каб яны знайшлі падтрымку супольнасці і атрымалі ад Духа Суцяшыцеля супакой сэрца.
Панядзелак, 30 верасня
Інтэнцыі Святога Айца на кастрычнік 2024 года
01.10.2024 00:00
Аб супольнай місіі Молімся аб тым, каб Касцёл працягваў усімі магчымымі спосабамі падтрымліваць сінадальны лад жыцця як знак салідарнай адказнасці, паглыбляючы ўдзел, камунію і супольную місію святароў, манаскіх асобаў і свецкіх вернікаў.
Субота, 31 жніўня
Інтэнцыі Святога Айца на верасень 2024 года
01.09.2024 00:00
За абарону зямлі Молімся аб тым, каб кожны з нас сэрцам пачуў енк зямлі, а таксама ахвяраў экалагічных катастроф і кліматычнага крызісу, асабіста ўключаючыся ў абарону свету, у якім мы жывем.
Серада, 31 ліпеня
Інтэнцыі Святога Айца на жнівень 2024 года
01.08.2024 00:00
За палітычных лідэраў Молімся аб тым, каб палітычныя лідэры служылі свайму народу, працуючы на карысць інтэгральнаму чалавечаму развіццю і дзеля супольнага дабра, а таксама клапоцячыся пра тых, хто страціў працу, і аддаючы перавагу самым бедным.
Нядзеля, 30 чэрвеня
Інтэнцыі Святога Айца на ліпень 2024 года
01.07.2024 00:00
За душпастырства хворых Молімся аб тым, каб сакрамэнт намашчэння хворых даваў моц Пана людзям, якія яго прымаюць, і іх блізкім і штораз больш станавіўся для ўсіх бачным знакам спачування і надзеі.
Пятніца, 31 мая
Інтэнцыі Святога Айца на чэрвень 2024 года
01.06.2024 00:00
За тых, хто ўцякае са сваёй краіны Молімся аб тым, каб мігранты, якія ўцякаюць ад войнаў ці ад голаду, вымушаныя вырушыць у дарогу, поўную небяспек і насілля, знайшлі гасціннасць і новыя магчымасці для жыцця ў краінах, якія іх прымаюць.
Аўторак, 30 красавіка
Інтэнцыі Святога Айца на май 2024 года
01.05.2024 00:00
Аб фармацыі законніц, законнікаў і семінарыстаў Молімся аб тым, каб законніцы, законнікі і семінарысты ўзрасталі на ўласным шляху паклікання праз чалавечую, пастырскую, духоўную і супольнасную фармацыю, якая ўчыніць іх годнымі веры сведкамі Евангелля.
Нядзеля, 31 сакавіка
Інтэнцыі Святога Айца на красавік 2024 года
01.04.2024 00:00
Аб прызнанні ролі жанчын Молімся аб тым, каб у кожнай культуры прызнаваліся годнасць жанчын і іх багацце, а таксама каб знікла дыскрымінацыя, ахвярамі якой яны становяцца ў розных частках свету.
Чацвер, 29 лютага
Інтэнцыі Святога Айца на сакавік 2024 года
01.03.2024 00:00
За сучасных мучанікаў, сведкаў Хрыста Молімся аб тым, каб людзі, якія ў розных частках свету рызыкуюць жыццём дзеля Евангелля, заразілі Касцёл сваёю адвагаю і місіянерскім запалам.
Серада, 31 студзеня
Інтэнцыі Святога Айца на люты 2024 года
01.02.2024 00:00
За хворых у тэрмінальнай стадыі Молімся аб тым, каб хворыя ў тэрмінальнай стадыі свайго жыцця і іх сем’і заўсёды атрымлівалі неабходную апеку і суправаджэнне, як з медыцынскага, так і з чалавечага пункту гледжання.
Нядзеля, 31 снежня 2023
Інтэнцыі Святога Айца на студзень 2024 года
01.01.2024 00:00
Аб дары разнастайнасці ў Касцёле Молімся аб тым, каб Дух дапамог распазнаваць дар розных харызмаў у хрысціянскіх супольнасцях і адкрываць багацце розных традыцый і абрадаў ва ўлонні Каталіцкага Касцёла.
Чацвер, 30 лістапада 2023
Інтэнцыі Святога Айца на снежань 2023 года
01.12.2023 00:00
За людзей з абмежаванымі магчымасцямі Молімся аб тым, каб людзі з абмежаванымі магчымасцямі былі ў цэнтры ўвагі грамадства, а ўстановы развівалі праграмы па інклюзіўнасці, якія пашыраць іх актыўны ўдзел.
Аўторак, 31 кастрычніка 2023
Інтэнцыі Святога Айца на лістапад 2023 года
01.11.2023 00:00
За Папу Молімся за Папу, каб у выкананні сваёй місіі няспынна суправаджаў у веры даручаную яму паству з дапамогаю Духа Святога.
Субота, 30 верасня 2023
Інтэнцыі Святога Айца на кастрычнік 2023 года
01.10.2023 00:00
За Сінод Молімся за Касцёл, каб засвоіў уменне слухаць і весці дыялог як стыль жыцця на ўсіх узроўнях, дазваляючы Духу Святому весці сябе на перыферыі свету.
Чацвер, 31 жніўня 2023
Інтэнцыі Святога Айца на верасень 2023 года
01.09.2023 00:00
За людзей, якія жывуць на ўзбоччы грамадства Молімся аб тым, каб людзі, якія жывуць на ўзбоччы грамадства, у нялюдскіх умовах жыцця, не былі забытыя ўстановамі і ніколі не лічыліся адкінутымі.
Панядзелак, 31 ліпеня 2023
Інтэнцыі Святога Айца на жнівень 2023 года
01.08.2023 00:00
За Сусветныя дні моладзі Молімся, каб Сусветныя дні моладзі ў Лісабоне дапамаглі маладым людзям вырушыць у дарогу і ўласным жыццём сведчыць аб Евангеллі.
Пятніца, 30 чэрвеня 2023
Інтэнцыі Святога Айца на ліпень 2023 года
01.07.2023 00:00
Аб эўхарыстычным жыцці Молімся аб тым, каб католікі ставілі ў цэнтр жыцця цэлебрацыю Эўхарыстыі, якая глыбока перамяняе чалавечыя адносіны і адкрывае на сустрэчу з Богам і з братамі.
Серада, 31 мая 2023
Інтэнцыі Святога Айца на чэрвень 2023 года
01.06.2023 00:00
Аб забароне катаванняў Молімся, каб міжнародная супольнасць узяла на сябе канкрэтныя абавязацельствы па забароне катаванняў, гарантуючы падтрымку ахвярам і іх сем’ям.
Нядзеля, 30 красавіка 2023
Інтэнцыі Святога Айца на май 2023 года
01.05.2023 00:00
За касцёльныя рухі і групы Молімся за касцёльныя рухі і групы, каб яны штодня нанава адкрывалі сваю евангелізацыйную місію і прысвячалі свае харызмы служэнню ў патрэбах свету.
Пятніца, 31 сакавіка 2023
Інтэнцыі Святога Айца на красавік 2023 года
01.04.2023 00:00
Аб культуры ненасілля Молімся аб большым распаўсюджванні культуры ненасілля, якая ўсталёўваецца праз усё меншае выкарыстанне зброі як дзяржавамі, так і грамадзянамі.
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа