Перад урачыстасцю Усіх Святых і ўспамінам усіх памерлых вернікаў студэнты Міждыяцэзіяльнай вышэйшай духоўнай семінарыі ў Гродне прынялі ўдзел ва ўпарадкаванні старых каталіцкіх могілак.
Стала добрай традыцыяй, што найстарэйшым некропалем горада, заснаваным у XVIII ст., на якім пахаваныя многія славутыя гродзенцы, апякуюцца вернікі, якія належаць да розных душпастырстваў, а таксама прадстаўнікі мясцовых грамадскіх арганізацый.
