Некалькімі днямі раней у сродках масавай інфармацыі з’явілася інтэрв’ю са «святаром Старакаталіцкай Царквы» Дзмітрыем Бондарам, дзейнасць якога супярэчыць вучэнню Каталіцкага Касцёла.
З гэтай прычыны Курыя Гродзенскай дыяцэзіі публікуе афіцыйную заяву, якая мае на мэце высветліць абставіны па дадзенай справе.
Заява Курыі Гродзенскай дыяцэзіі адносна асобы Дзмітрыя Бондара
У сувязі са з’яўленнем у сродках масавай інфармацыі матэрыялаў пра дзейнасць спадара Дзмітрыя Бондара Курыя Гродзенскай дыяцэзіі Рыма-Каталіцкага Касцёла ў Беларусі папярэджвае вернікаў аб тым, што вышэйзгаданы чалавек не з’яўляецца святаром рыма-каталіцкага абраду.
У той жа час яго статус як святара старакаталіцкай супольнасці ў мясцовасці Літоўка каля Навагрудка застаецца да канца не высветленым, што многіх уводзіць у замяшанне.
У сувязі з гэтым перасцерагаем ад дзейнасці спадара Дзмітрыя Бондара як шкоднай і правакацыйнай для Рыма-Каталіцкага Касцёла.
Курыя Гродзенскай дыяцэзіі
