15 чэрвеня Касцёл святкаваў урачыстасць Найсвяцейшага Цела і Крыві Езуса Хрыста, падчас якой асаблівым чынам ушаноўваецца Збаўца ў Эўхарыстыі. У гэты дзень вернікі з усіх гродзенскіх парафій сабраліся на супольную Імшу ў касцёле св. Францішка Ксаверыя, якую ўзначаліў біскуп Гродзенскі Аляксандр Кашкевіч.
![](/3/../2/images/stories/news/2017/06/2017-06-16-grodno1.jpg)
У гаміліі іерарх заклікаў з большай адказнасцю падыходзіць да прыняцця св. Камуніі, падкрэсліўшы, што «мы прымаем Хрыста не для прыватнага спажывання».
![](/3/../2/images/stories/news/2017/06/2017-06-16-grodno3.jpg)
Біскуп таксама звярнуў увагу на значэнне эўхарыстычнай працэсіі вуліцамі горада, якая з’яўляецца неад’емнай часткай святкавання ўрачыстасці Божага Цела: «Дарогі, па якіх штодзённа ў спешцы снуюць натоўпы заклапочаных людзей, імчаць машыны і аўтобусы, у гэты выключны дзень становяцца месцам малітвы, публічнай адарацыі Бога і вызнання веры».
![](/3/../2/images/stories/news/2017/06/2017-06-16-grodno41.jpg)
Падчас працэсіі, упрыгожанай спевам хору Cantate Domino, вернікі разам са святарамі і законнымі сёстрамі затрымоўваліся каля падрыхтаваных у розных частках горада алтароў.
На францішканскім узгорку на заканчэнне шэсця, у якім прынялі ўдзел тысячы католікаў Гродна, біскуп Аляксандр Кашкевіч удзяліў пастырскае бласлаўленне і заахвоціў сабраных чэрпаць сілы для змагання са штодзённымі цяжкасцямі ў невычэрпнай крыніцы — святой Эўхарыстыі.
Паводле grodnensis.by
Фота hrodna.life