Урачыстую святую Імшу ў парафіі Божай Міласэрнасці ў Асіповічах ўзначаліў біскупскі вікарый для Магілёва і Магілёўскай вобласці біскуп Аляксандр Яшэўскі SDB.
![](/3/../2/images/stories/news/2017/04/2/2017-04-24-asipovichy-001.jpg)
«Свята Божай Міласэрнасці даў нам сам Езуз праз апосталку Божай Міласэрнасці святую сястру Фаустыну», — адзначыў іерарх напачатку св. Імшы. У казанні біскуп падзяліўся гісторыяй са свайго жыцця аб моцы, якую мае малітва Божай Міласэрнасці. Іерарх заахвоціў таксама маліцца Вяночак да Божай Міласэрнасці.
![](/3/../2/images/stories/news/2017/04/2/2017-04-24-asipovichy-004.jpg)
Узгадваючы абяцанні, якія Езус даў тым, хто будзе ўшаноўваць абраз Божай Міласэрнасці, біскуп Аляксандр адзначыў, што асабліва ў свята Божай Міласэрнасці Езус пасылае промні міласэрнасці ўсяму свету, каб «мы маглі чэрпаць ласку з Яго Міласэрнасці».
![](/3/../2/images/stories/news/2017/04/2/2017-04-24-asipovichy-005.jpg)
«Трэба памятаць, што кожны можа атрымаць неабходныя ласкі, нават самы вялікі грэшнік. А калі хто ў хвіліну смерці звернецца да Божай Міласэрнасці, атрымае ласку прабачэння. Сёння свет патрабуе міласэрнасці, няма такога чалавека, якому б яна была непатрэбна», — сказаў біскуп.
![](/3/../2/images/stories/news/2017/04/2/2017-04-24-asipovichy-002.jpg)
![](/3/../2/images/stories/news/2017/04/2/2017-04-24-asipovichy-007.jpg)
Пасля Імшы адбылося адмысловае набажэнства да Божай Міласэрнасці.