Заключным канцэртам у межах Калядных вечароў у мінскім касцёле Найсвяцейшай Тройцы (святога Роха) стала выступленне калектыва Brevis. Праграма ўключала творы Г.Ф. Гендэля, В. Длугарая, музыку невядомых аўтараў XVI-XVII стст.
Brevis створаны ў 1998 г. як дзіцячы калектыў, аднак за гады творчай дзейнасці ў ансамблі выхавана плеяда музыкантаў-блокфлейтыстаў, якія выйшлі на прафесійны ўзровень і зараз актыўна канцэртуюць.
За час свайго існавання ансамбль паспяхова гастраляваў у Германіі, Польшчы, Літве, Паўднёвай Карэі. Калектыў Brevis — лаўрэат шматлікіх міжнародных конкурсаў і фестываляў.
Паводле radiomaria.by
(VGr)
