19 снежня ў дыяцэзіяльным цэнтры «Карытас» у Ляскоўцы прайшла аплаткавая сустрэча для ўдзельнікаў курсаў сямейнага жыцця з удзелам дапаможнага біскупа Мінска-Магілёўскай архідыяцэзіі Аляксандра Яшэўскага SDB, біскупскага вікарыя для г. Магілёва і Магілёўскай вобласці.
Падчас св. Імшы іерарх звярнуў увагу на тое, што сям'я будзе моцнай і трывалай толькі тады, калі ў яе цэнтры будзе прысутны Езус. Прыкладам гэтага з'яўляецца Святая Сям'я.
Слухачы курсаў павіншавалі шаноўнага госця, выкладчыкаў і ўсіх прысутных з надыходзячым святам Божага Нараджэння. Прысутныя паводле каляднай традыці падзяліліся аплаткам і складалі святочныя зычэнні.
