Пошук

21.11.2016 14:58  

19 лістапада ў парафіі Св. Яна Хрысціцеля ў Мінску адбыўся канцэрт у гонар святой Цэцыліі, апякункі касцёльнай музыкі і музыкантаў. Падчас канцэрта гучалі як традыцыйныя спевы ў выкананні парафіяльнага хору, так і некаторыя сюрпрызы.

Адной з такіх «неспадзяванак» быў поўны пяшчоты i любовi спеў «Мама» ад парафіянкі Гэлены. Тэма пашаны да маці гучала таксама ў спевах дзяцей і моладзі. Утульнай і сямейнай атмасферай быў прасякнуты ўвесь канцэрт, асабліва калі спевы выконвалі сем’і.


Падчас канцэрта таксама гучалі творы, прысвечаныя Бацькаўшчыне.

Канцэрт, прысвечаны св. Цэцыліі — гэта не толькі спевы, але і выкананне музычных нумароў. У капліцы гучалі гітара, цымбалы, скрыпка, акардыён і саксафон.

Шмат нумароў было выканана і ў гонар Маці Божай. Сюрпрызам для сабраных на завяршэнне канцэрта быў спеў «Ave Maria» у выкананні пробашча парафіі кс. Аляксандра Мятліцкага SDB. Падчас «слоўка на дабранач» святар падкрэсліў, як важна не закопваць свае таленты, а дзяліцца імі з іншымі.

Вольга Перадкова, sdb.by

Абноўлена 05.06.2017 13:34
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця