У Мінска-Магілёўскай архідыяцэзіі новыя прызначэнні

15 верасня ў Мінску падчас сустрэчы святароў і кансэкраваных асобаў на распачацце новага этапу пастырскага служэння былі абвешчаны новыя прызначэнні.

1. З 15 верасня кс. Вадзім Сурвіла прызначаны адміністратарам парафіі Божай Міласэрнасці і душпастырам моладзі ў Магілёве.
2. Дыякан Дзяніс Бразінскі з 15 верасня прызначаны на дыяканскае служэнне ў парафіі Унебаўзяцця Найсвяцейшай Панны Марыі і cвятога Станіслава ў Магілёве.
3. Ксёндз Валерый Даўгуль звольнены з пасады вікарыя ў парафіі Беззаганнага Зачацця Найсвяцейшай Панны Марыі ў Бабруйску.
4. Ксёндз Канстанцін Карака з 15 верасня прызначаны вікарыем у парафіі Беззаганнага Зачацця Найсвяцейшай Панны Марыі ў Бабруйску.
5. Ксёндз Уладзімір Русак з 15 верасня прызначаны адказным за душпастырства пакліканняў да святарства.