12 верасня вернікі мінскай парафіі Маці Божай Будслаўскай разам са сваім пробашчам кс. Францішкам Рудзем маліліся ў мінскай архікатэдры, дзе ў гэты дзень адзначаецца ўрачыстасць Найсвяцейшага Імя Марыі.
Нагодай для малітвы менавіта ў гэтай святыні стала не толькі архікатэдральная штогадовая ўрачыстасць, але і магчымасць, адбыўшы пілігрымку, прайсці праз Брамы Міласэрнасці і атрымаць поўны адпуст.
Брамы Міласэрнасці адчыніліся 8 снежня 2015 года ў некаторых святынях ва ўсім свеце з нагоды Юбілейнага Года Міласэрнасці. Доўжыцца ён будзе да нядзелі Хрыста Валадара Сусвету, 20 лістапада 2016 года. У Год Міласэрнасці кожны вернік, выканаўшы адпаведныя ўмовы, можа атрымаць адпуст, г. зн. выбаўленне ад часовай кары за грахі для сябе, а таксама для душаў, якія знаходзяцца ў чыстцы.
(VGr)
