Пошук


24.07.2016 22:45  

24 ліпеня свірская парафіяльная супольнасць узгадвала святога Шарбэля. Парафія Св. Мікалая, біскупа, у Свіры з’яўляецца адным з нямногіх месцаў, дзе ўшаноўваецца святы ліванскі манах.

У 2003 годзе каля касцёла з’явілася капліца з фігурай святога Шарбэля. Капліца паўстала як вотум удзячнасці парафіян за пантыфікат Папы Яна Паўла ІІ. 6 снежня 2003 г. капліцу асвяціў кс. Генрых Ягодзінскі, які на  той момант быў сакратаром Апостальскай Нунцыятуры ў Мінску.

Сёлетнюю ўрачыстасць святога Шарбэля ў Свіры ўзначаліў кс. Аўгуст Калясінскі, які цэлебраваў у свірскай парафіі прыміцыйную святую Імшу. Малады святар маліўся ў капліцах у вёсках Вялікая Страча і Дабраўляны, а затым у парафіяльным касцёле ў Свіры.

Парафіяне былі вельмі рады прысутнасці новапрэзбітэра, вядомага ім з рэкалекцый, якія кс. Аўгуст праводзіў у Свіры перад прэзбітэрскім пасвячэннем.

Падчас Імшы новапрэзбітэр распавёў пра сваё пакліканне і падзяліўся радасцю быцця святаром.

Напрыканцы Эўхарыстыі парафіяне выказалі кс. Аўгусту Калясінскаму віншаванні і падзяку за дар яго служэння. Новапрэзбітэр удзяліў усім прысутным індывідуальнае Божае благаслаўленне.

Кс. Багуслаў Маджэеўскі

Фотарэпартаж >>>

Абноўлена 05.06.2017 13:34
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа