Ужо ў 11-ы раз у першую нядзелю мая ў Гродзенскай дыяцэзіі прайшоў Дзень маці. У гэты дзень ва ўсіх касцёлах і капліцах дыяцэціі моляцца ў інтэнцыі жывых і памерлых маці, дзякуючы ім за іх неацэнны ўклад у грамадства і за выхаванне ў веры будучых пакаленняў.
![](/3/../2/images/phocagallery/2017/05/2017-05-08-ddm2/thumbs/phoca_thumb_l_ddm-041.jpg)
7 мая галоўныя ўрачыстасці Дня маці адбыліся ў санктуарыi Маці Божай Яснагорскай Цярпліва Слухаючай на Узгорку надзеі ў Капцёўцы. Тут маліліся ў інтэнцыі ўсіх маці дыяцэзіі, для жывых — аб Божым благаслаўленні, а для памерлых — аб вечным жыцці ў небе.
![](/3/../2/images/phocagallery/2017/05/2017-05-08-ddm2/thumbs/phoca_thumb_l_ddm-042.jpg)
У гэты дзень у санктуарый прыбылі ў пешай пілігрымцы маці з Гродна разам са сваімі дзецьмі і мужамі, каб прасіць у Панны Марыі ласкаў для сваіх сем’яў. Пілігрымавалі разам і навучэнцы Вышэйшай духоўнай семінарыі ў Гродне, каб таксама сваімі малітвамі і працай пілігрымавання падтрымаць маці.
Маці павінна даць свету любоў
Санктуарый у Капцёўцы з’яўляецца сапраўды такім месцам, якое прыцягвае пілігрымаў. Як адзначаюць пілігрымы, якія ў гэты дзень наведалі святыню, тут можна спазнаць сапраўдны супакой і мець магчымасць сказаць усё тое, што ўчыняе радасць і смутак нябеснай Маці, якая заўсёды гатова слухаць і дапамагаць.
![](/3/../2/images/phocagallery/2017/05/2017-05-08-ddm2/thumbs/phoca_thumb_l_ddm-054.jpg)
![](/3/../2/images/phocagallery/2017/05/2017-05-08-ddm2/thumbs/phoca_thumb_l_ddm-049.jpg)
На сёлетнія ўрачыстасці ў Капцёўку прыбыў дапаможны біскуп Гродзенскай дыяцэзіі Юзаф Станеўскі. Духоўную канферэнцыю на тэму «Фацімскае пасланне сёння» для прысутных прамовіў кс. Юрый Марціновіч, адказны за сродкі масавай інфармацыі Гродзенскай дыяцэзіі.
![](/3/../2/images/phocagallery/2017/05/2017-05-08-ddm2/thumbs/phoca_thumb_l_ddm-057.jpg)
Святар зазначыў, што Маці Божая просіць кожнага чалавека аб уключэнні ў справу збаўлення свету, ратавання сябе і сваіх блізкіх. «Ведаем, што толькі любоў Хрыста можа перамагчы ўсю моц зла, якое абцяжарвае нас і ўсё чалавецтва», — дадаў кс. Марціновіч.
Працяг на grodnensis.by