22 красавіка ў санктуарыі маці Божай Шкаплернай у Гудагаі дапаможны біскуп Гродзенскай дыяцэзіі Юзаф Станеўскі ўдзяліў прэзбітэрскае пасвячэнне дыякану Генрыху ад Найдаражэйшай Крыві Хрыста з закону кармэлітаў босых.
Генрых Валейка, сын Вацлава і Тэрэзы, паходіць з парафіі Адшукання Святога Крыжа ў Астраўцы. Святарскую фармацыю Генрых праходзіў у ордэне Кармэлітаў Босых у Беларусі і ў Польшчы.
У казанні іерарх звярнуў увагу на тое, якім адважным павінна быць сэрца юнака, каб адказаць на заклік Хрыста, а таксама заахвоціў новапрэзбітэра верна крочыць святарскім шляхам.
Ва ўрачыстасці прынялі ўдзел шматлікія госці з Беларусі і з-за мяжы.
23 красавіка а. Генрых целебраваў прыміцыйную святую Імшу ў роднай парафіі, а таксама ўдзяліў адмысловае благаслаўленне.
А. Юрый Находка ОСD, фота аўтара
(VGr)
