VII Дыяцэзіяльны дзень дзіцяці пройдзе ў парафіі Беззаганнага Зачацця Найсвяцейшай Панны Марыі ў Гродне (мн. Паўднёвы) 1 чэрвеня.
Конкурс малюнкаў, маляванне на твары, лепка з гліны, пластыліну, батуты, забавы для самых маленькіх — толькі некаторае з таго, што плануецца на сустрэчы.
Найперш арганізатары абяцаюць малітву, мноства забаваў, музыкі, гульняў, конкурсаў і г.д.
Дзеці будуць рабіць ружанцы сваімі рукамі
Сярод таго, што рыхтуюць арганізатары, будзе магчымасць выканання сваімі рукамі маленькіх ружанцаў, якія можна будзе забраць з сабой. Такім чынам арганізатары жадаюць заахвоціць дзяцей да адкрыцця каштоўнасці ружанцовай малітвы, аб якой 100 гадоў таму прасіла маленькіх пастухоў Панна Марыя.
На сустрэчу запрошаны ўсе дзеці Гродзенскай дыяцэзіі, каб разам у малітве і забаве добра правесці час.
Тым, хто хацеў бы прадставіць тэатральную сцэнку, спеў на сцэне або мае іншыя арыгінальныя прапановы, трэба скантактавацца з арганізатарамі.
Падрабязней пра ўдзел на Grodnensis.by
