Семінарыйная бібліятэка з’яўляецца інтэгральнай часткай Вышэйшай духоўнай семінарыі ў Гродне. Яна пачала ўтварацца ў год адкрыцця навучальнай установы (1990 г.), і на сёння яе кнігазбор налічвае больш за 35 тысяч асобнікаў.
Напачатку сабраныя тут кнігі і разнастайныя выданні служылі толькі семінарыстам, выкладчыкам і дыяцэзіяльным святарам, аднак з часам бібліятэка адычыніла свае дзверы і для свецкіх асобаў.
У семінарыйную бібліятэку можа запісацца кожны жадаючы. Пры сабе неабходна мець пашпарт.
Бібліятэка ўтрымлівае зборы ў галінах філасофіі, тэалогіі, біблеістыкі, гісторыі Касцёла і агульнай гісторыі, агульнага права, псіхалогіі, сацыялогіі, педагогікі, літаратуры, а таксама часопісы. Тут можна знайсці як духоўную, так і іншую навуковую літаратуру, патрэбную для вучобы ці напісання курсавых і дыпломных прац.
Агульны кнігазбор бібліятэкі складае на сёння больш за 35 тысяч асобнікаў, з якіх каталагізавана больш за 28 тысяч. Акрамя таго, працягваецца працэс стварэння электроннага каталога, у які на сёння ўведзена больш за 13 тысяч кніг.
Час працы бібліятэкі для свецкіх:
- Панядзелак, аўторак, серада, чацвер, пятніца — 10.00–14.00, 15.00–17.00
- Субота — 10.00–14.00, 15.00–16.00
(акрамя касцёльных святаў)
Адрас:
Вышэйшая духоўная семiнарыя
вул. Парыжскай Камуны, 1
230025 г. Гродна
Тэл.: +375 (0152) 770234
Факс: +375 (0152) 771353
e-mail: wsd@grodnensis.by
Сайт: wsd.grodnensis.by
Паводле grodnensis.by
(VGr)
