Пошук

10.01.2017 11:51  

У іўеўскай парафіі Апосталаў Пятра і Паўла напярэдадні святаў Божага Нараджэння сабралі сродкі на святочныя падарункі для адзінокіх пажылых людзей і патрабуючых дзяцей.

У дабрачыннай акцыі, як паведаміў ксёндз Ян Гавецкі, прынялі ўдзел вернікі і прадстаўнікі прыватнага бізнесу раёна. Далучылася да акцыі і каталіцкая дабрачынная арганізацыя «Карытас» Гродзенскай дыяцэзіі. Святочныя пасылкі перадалі польскія скаўты.

На працягу святочнага перыяду падарункі былі дастаўлены ў аддзяленні кругласутачнага знаходжання для пажылых людзей у в. Некрашы і г.п. Юрацішкі, у бальніцы сястрынскага дагляду ў а.г. Лаздуны 1 і Трабы, у дом самастойнага пражывання грамадзян пажылога ўзросту ў в. Крывічы, сацыяльны прытулак у г. Іўе.   

Для адзінокіх іўеўскіх парафіянаў кс. Ян Гавэцкі арганізаваў аплаткавую сустрэчу ў адным з кафэ горада. Гаспадыня кафэ Ядзвіга Жэбрык стала адным са спонсараў дабрачыннай вячэры.

(VGr)

Абноўлена 05.06.2017 13:31
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Бог заўсёды чакае нас.
Ён ніколі не губляе надзеі і заўсёды прабывае побач.