Пошук



22 снежня ў Вышэйшай духоўнай семінарыі ў Гродне адбылася аплаткавая сустрэча святароў, якія нясуць служэнне ў Гродзенскай дыяцэзіі. 

У сустрэчы ўдзельнічалі біскуп Гродзенскі Аляксандр Кашкевіч і дапаможны біскуп Гродзенскай дыяцэзіі Юзаф Станеўскі. Да супольнага святкавання былі запрошаны і семінарысты.

Сустрэча пачалася малітвай брэвіярыя, канферэнцыяй і адарацыяй Найсвяцейшага Сакрамэнту. Ад імя ўсіх святароў дыяцэзіі віншаванні з нагоды набліжэння святаў Божага Нараджэння скіраваў да гродзенскага ардынарыя біскуп Юзаф Станеўскі.

Іерарх выказаў удзячнасць біскупу Аляксандру Кашкевічу за тое, што ўжо 25 гадоў ён спакойна вядзе Касцёл на Гродзеншчыне і з айцоўскай любоўю ставіцца да кожнага святара. Дапаможны біскуп дадаў, што большасць святароў, якія сёння служаць у Гродзенскай дыяцэзіі, атрымалі пасвячэнне з рук біскупа Кашкевіча.

Біскуп Станеўскі пажадаў усім святарам, каб Бог нарадзіўся ў кожным сэрцы, каб праз дзяленне аплаткай «у нашай святарскай сям’і заўсёды панавала братэрская згода, мір і еднасць».

Падчас узаемных віншаванняў біскупы дзякавалі святарам за ахвярнае служэнне вернікам і за ўсе душпастырскія акцыі, якія яны рэалізуюць у сваіх парафіяльных супольнасцях.

Гэта быў ужо другі тур аплаткавай сустрэчы. Першы адбыўся днём раней у лідскай парафіі Святой Сям’і.

Кс. Юрый Марціновіч, grodnensis.by
Фота Аляксандры Шчыглінскай

Фотарэпартаж >>>

Абноўлена 05.06.2017 13:31
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

Папа Францішак

Спагадлівасць - гэта праява Божай
Міласэрнасці, адзін з сямі дароў Святога Духа