14 cнежня навучэнцы Вышэйшай духоўнай семінарыі ў Гродне на чале з духоўным айцом кс. Здзіславам Вэдэрам SDB наведалі Дом міласэрнасці ў Каменцы — прытулак для састарэлых і хворых, якіх даглядаюць сёстры Маці міласэрнасці.
Семінарысты падзяліліся з жыхарамі прытулку радасцю перажывання асаблівага часу ласкі, што выплывае з неспасцігальнай таямніцы Божага Нараджэння, а таксама ўручылі падарункі ад святога Мікалая. Ксёндз Здзіслаў Вэдэр удзяліў усім благаслаўленне.
Навучэнцы семінарыі ў Гродне ўжо не ўпершыню наведваюць прытулкі для самотных, хворых або дзяцей-сірот. Падобныя акцыі з’яўляюцца свайго роду практычнай фармацыяй будучых святароў.
Яўген Амасёнак
(VGr)
