Пошук

05.12.2016 00:00   Ілья Лапато / Catholic.by

Адвэнт праз чытанне Евангелля: сумесны праект душпастырства «Мужчыны св. Юзафа» і душпастырства чыгуначнікаў распачалі сумесны відэапраект па чытанні Бібліі.

Паводле ўдзельнікаў акцыі, асноўная ідэя заключана ў тым, каб паказаць, што для чытання Божага слова кожны дзень зусім неабавязкова быць святаром ці катэхетам: чытанне Евангелля можа і павінен практыкаваць кожны вернік.

«Сваім прыкладам праз сайт msj.by і сацыяльныя сеткі мы хочам заахвоціць вернікаў да чытання Бібліі і праз гэта дапамагчы ў больш плённым перажыванні Адвэнту», — прызнаецца адзін з удзельнікаў евангелізацыйнай ініцыятывы Віталій Рабёнак.

Ідэя знайшла падтрымку ў душпастыра чыгуначнікаў Гродна а. Эдварда Пяцельчыца CSsR і адной з душпастырскіх груп «Мужчыны св. Юзафа».

Так пачалі стварацца і выкладацца на youtube відэаролікі, у якіх удзельнікі гэтых душпастырстваў чытаюць урыўкі з Евангелля на канкрэтны дзень, якія выбіраюцца з лекцыянарыя.

Больш падрабязна пра дзейнасць саміх душпастырстваў чытайце на Catholic.by у бліжэйшы час.

Таксама па тэме:

А як перажывае Адвэнт ваша душпастырства, парафія, суполка, сям’я? Дзяліцеся сваім вопытам і пішыце нам на info@catholic.by.

Ілья Лапато

 
Абноўлена 05.06.2017 13:31
Пры выкарыстанні матэрыялаў Catholic.by спасылка абавязковая. Калі ласка, азнаёмцеся з умовамі выкарыстання

Дарагія чытачы! Catholic.by — некамерцыйны праект, існуе за кошт ахвяраванняў і дабрачыннай дапамогі. Мы просім падтрымаць нашу дзейнасць. Ці будзе наш партал існаваць далей, у значнай ступені залежыць ад вас. Шчыра дзякуем за ахвярнасць, молімся за ўсіх, хто нас падтрымлівае.

. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
Папа Францішак

Дух хоча жыць у нас –
мы пакліканы да вечнага жыцця